Marketə məhsullar haradan gəlir?
Üzv xəbərləri
Marketə məhsullar haradan gəlir?
Veysəloğlu Şirkətlər Qrupuna aid olan “Araz” və “OBA” marketlərində alış-veriş edən zaman bu məhsulların haradan gəldiyi barədə düşünürük. Elə mən də bunu öyrənmək üçün Şirkətlər Qrupuna aid olan logistik mərkəzə gəldim.
Ölkənin 10 bölgəsində Veysəloğlu Şirkətlər Qrupunun lokal anbarları və platformaları var və burada iş müasir texnologiyalar əsasında qurulub.
https://www.youtube.com/watch?v=VziRdlRHi1E
Məhsullar müştərilərə çatdırılanadək xüsusi rəflərdə çeşidlənir, keyfiyyətə nəzarət prosesindən keçdikdən sonra soyuduculu yük maşınları ilə marketlərə daşınır.
Ümumiyyətlə, anbar dedikdə, insanın ağlına yalnız kişilərin çalışdığı iş yeri gəlir. Bəs əslində necədir?
https://www.youtube.com/watch?v=vQJ7By3QXjk
Logistika Mərkəzində yük avtomobillərinə həm təhlükəsizlik, həm də keyfiyyətə nəzarət baxımından GPS vasitəsilə nəzarət edilir. Bununla da həm sürücülərin, həm də ümumi ictimaiyyətin təhlükəsizliyi təmin olunur. Ümumiyyətlə, burada iş yerinin təhlükəsizlik qaydalarına xüsusi diqqət yetirilir.
https://www.youtube.com/watch?v=-r1l8vBADJ8
Karyerasını logistika istiqamətində qurmaq istəyənlər üçün 200 yeni iş yeri elan olunur. İşə qəbulla bağlı maraqlananlar 055 400 85 83 və 055 253 18 06 nömrələrinə zəng edə və ya vatsap vasitəsilə əlaqə saxlaya bilərlər.
Səidə Məmmədli
Veysəloğlu Şirkətlər Qrupu
Uyğun xəbərlər
![](https://amcham.az/uploads/post/361d6a4a66ace69ab79545265fca9a9b_avatar.png?v=1629459482)
Veysəloğlu Şirkətlər Qrupu iyul ayı üzrə Pərakəndə İndeksini açıqlayıb
Veysəloğlu Şirkətlər Qrupu aylıq təqdim edilən “Veysəloğlu Pərakəndə İndeksi” vasitəsilə məlumatları ictimaiyyətlə açıq paylaşmaqla müştərilərə istehlak səbətlərini planlayan zaman dəstək olmağı hədəfləyir.İndeks göstəricilərinə Veysəloğlu Şirkətlər Qrupunda istehlak məqsədi ilə məhsul alan bütün müştərilərin ən çox aldığı 4317 məhsul daxil edilib. Bu siyahıya qısa müddətli istifadəyə yararlı istehlak məhsulları (təzə qida), qida, spirtli və spirtsiz içkilər, həmçinin tütün məmulatları daxildir. İndeksin hesablanması zamanı satış miqdarlarına görə hər kateqoriyaya ağırlıq veririlir. Nəticədə müştərilərin orta illik və aylıq qiymət dəyişikliyi tempini izləmək mümkün olur.“Veysəloğlu Pərakəndə İndeksi”-nə daxil edilən məhsulların qiymətində 2021-ci ilin iyul ayında 2020-ci ilin iyul ayı ilə müqayisədə 4,8% artım müşahidə edilir. Belə ki, 2021-ci il iyul ayında 2020-ci ilin iyul ayı ilə müqayisədə təzə qida məhsullarında 1,2%, qida və spirtsiz içkilərdə 8,2%, alkoqol və tütün məmulatlarında isə 5,5% artım olub.Veysəloğlu Şirkətlər Qrupunun missiyası cəmiyyəti təmiz, sağlam, münasib qiymət və keyfiyyətə gündəlik istehlak malları ilə təmin etməkdir. Təqdim olunan pərakəndə satış indeksi göstəricilərinə əsasən aydın olur ki, Şirkətlər Qrupu bazarda münasib və maksimum sabit qiymət siyasəti aparmaqla öz missiyasına xidmət edir.
![](https://amcham.az/uploads/post/0e55a8555506cb099ae393e196896ec1_avatar.png?v=1630923202)
Veysəloğlu Şirkətlər Qrupu avqust ayı üzrə Pərakəndə İndeksini açıqlayıb
İndeks göstəricilərinə Veysəloğlu Şirkətlər Qrupu müştərilərinin ən çox satın aldığı 4317 adda məhsul daxil edilib. Bu siyahıya təzə qida (qısamüddətli istifadəyə yararlı istehlak məhsulları), qida və spirtsiz içkilər, həmçinin spirtli içkilər və tütün məmulatları daxildir. İndeksin hesablanması zamanı hər kateqoriyaya satış miqdarlarına görə ağırlıq verilir. Nəticədə məhsulların orta illik və aylıq qiymət dəyişikliyi tempini izləmək mümkün olur.“Veysəloğlu Pərakəndə İndeksi”nə daxil edilən məhsulların qiymətində 2021-ci ilin avqust ayında 2020-ci ilin avqust ayı ilə müqayisədə 6,1% artım müşahidə edilir. Cari ilin avqust ayında ötən ilin avqust ayı ilə müqayisədə təzə qida məhsullarında (qısamüddətli istifadəyə yararlı istehlak məhsulları) 4,0%, qida və spirtsiz içkilərdə 8,5%, alkoqol və tütün məmulatlarında isə 5,6% artım olub.“Veysəloğlu Pərakəndə İndeksi” vasitəsilə məlumatları ictimaiyyətlə açıq paylaşmaqla müştərilərə istehlak səbətlərini planlayan zaman dəstək olmağı hədəfləyən Şirkətlər Qrupu bazarda münasib və maksimum sabit qiymət siyasəti aparmaqla öz missiyasına sadiqliyini nümayiş etdirir.
![](https://amcham.az/uploads/post/58bf68a30e3ed5473d3502a04703ef8b_avatar.png?v=1633416079)
Veysəloğlu Şirkətlər Qrupu sentyabr ayı üzrə Pərakəndə İndeksini açıqladı
Veysəloğlu Şirkətlər Qrupu müştərilərinin ən çox satın aldığı 4317 adda məhsulu nəzərə alaraq hazırladığı pərakəndə satış indeksini hər ay ictimaiyyət və maliyyə qurumları ilə paylaşır.Bu siyahıya təzə qida (qısamüddətli istifadəyə yararlı istehlak məhsulları), qida və spirtsiz içkilər, həmçinin spirtli içkilər və tütün məmulatları daxildir. İndeksin hesablanması zamanı hər kateqoriyaya satış miqdarlarına görə ağırlıq verilir. Nəticədə məhsulların orta illik və aylıq qiymət dəyişikliyi tempini izləmək mümkün olur.“Veysəloğlu Pərakəndə İndeksi”nə daxil edilən məhsulların qiymətində 2021-ci ilin sentyabr ayında 2020-ci ilin sentyabr ayı ilə müqayisədə 7,7% artım müşahidə edilir. Belə ki, cari ilin sentyabr ayında ötən ilin sentyabr ayı ilə müqayisədə təzə qida məhsullarında (qısa müddətli istifadəyə yararlı istehlak məhsulları) 6,7%, qida və spirtsiz içkilərdə 9,5%, alkoqol və tütün məmulatlarında isə 5,8% artım olub.27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdansatış/distribusiya, pərakəndə, istehsalat, logistika sahələrində fəaliyyət göstərir. Bu gün Veysəloğlu Şirkətlər Qrupu 17 mindən çox əməkdaş sayı ilə Azərbaycanın ən iri iş yeri imkanı yaradan qurumlarından biridir.